மருதயடி ஸ்ரீ மாணிக்கப் பிள்ளையாரின் அருட்துணையுடனும் மருதயடி ஸ்ரீ கண்ணகி அம்மனது அருளாசியுடனும் 2026 ஆம் ஆண்டிற்கான பஞ்சாங்க நாட்காட்டி வெளியீட்டு நிகழ்வு….
அக்கரைப்பற்று, மருதயடி ஸ்ரீ மாணிக்கப் பிள்ளையாரின் அருட்துணையுடனும் மருதயடி ஸ்ரீ கண்ணகி அம்மனது அருளாசியுடனும் 2026 ஆம் ஆண்டிற்கான பஞ்சாங்க நாட்காட்டி வெளியீட்டு நிகழ்வு இன்றைய தினம் (21) வெள்ளிக்கிழமை மாலை 6.30 மணியளவில் இடம்பெற்றது.
அக்கரைப்பற்று, மருதயடி ஸ்ரீ மாணிக்கப் பிள்ளையார் ஆலய வளாகத்தில் ஆலய நிர்வாக சபையினர் மற்றும் திருப்பணிச் சபையினர் ஏற்பாட்டில் இடம்பெற்ற நிகழ்வில்,
அதிதிகளாக ஆலையடிவேம்பு பிரதேச செயலாளர் ஆர்.திரவியராஜ் ஆலையடிவேம்பு பிரதேச சபையின் தவிசாளர் ஆ.தர்மதாச ஆலையடிவேம்பு பிரதேச சபையின் உறுப்பினர்கள் ஆலய நிர்வாகத்தினர், ஆலய குருமார்கள் ஆலய வண்ணக்கர்கள் மற்றும் பிரதேச மக்கள் சமூக பிரதிநிதிகள் என பலர் கலந்து நிகழ்வை சிறப்பித்திருந்தார்கள்.
ஆலய விசேட பூசை இறைவணக்கம் மங்கள விளக்கேற்றலுடன் ஆரம்பமான நிகழ்வில் கலந்து கொண்ட அனைவருக்கும் வெளியீடு செய்யப்பட 2026 ஆம் ஆண்டிற்கான பஞ்சாங்க நாட்காட்டி வழங்கி வைக்கப்பட்டது.
மேலும் பஞ்சாங்க நாட்காட்டியை பிரசுரித்து அன்பளிப்பாக வழங்கிய தங்கவேல் டினேஸ்சரன் அவர்களுக்கான கௌரவிப்பும் நிகழ்வின் இறுதியில் இடம்பெற்றது.
