டெஸ்ட் கிரிக்கெட் போட்டிகளுக்கான ஐ.சி.சி. தரவரிசைப் பட்டியல் வெளியிடப்பட்டுள்ளது.
இந்தப் பட்டியலில் முதல் இடத்தில் நியூசிலாந்து அணியின் கேன் வில்லியம்சன் உள்ளார். இந்திய அணியின் கப்டன் விராட் கோலி 5 ஆவது இடத்தில் தொடர்ந்து இருந்து வருகிறார். இலங்கை அணியின் கப்டன் திமுத் கருணாரத்ன 11 ஆவது இடம் வகிக்கிறார்.
இதேபோன்று பங்களாதேஸின் ஆரம்ப துடுப்பாட்ட வீரர் தமிம் இக்பால் 3 இடங்கள் முன்னேறி 27 ஆவது இடத்திற்கு வந்துள்ளார். அந்நாட்டின் முஷ்பிகுர் ரஹீம் மற்றும் கப்டன் மொமினுல் ஹக் முறையே 21 மற்றும் 30 ஆகிய இடங்களில் உள்ளனர்.
பாகிஸ்தான் நாட்டின் வேகப்பந்து வீச்சாளர் ஹசன் அலி பந்துவீச்சாளர்களுக்கான தரவரிசையில் 15 இடங்கள் முன்னேறி 20 ஆவது இடத்தில் உள்ளார். துடுப்பாட்டத் தரவரிசையில் இடதுகை வீரரான பவாத் ஆலம் 31 இடங்கள் முன்னேறி 47 ஆவது இடத்திலிருக்கிறார்.
சிம்பாப்வே அணியில் வேகப்பந்து வீச்சாளர் பிளெஸ்சிங் முஸரபானி 26 இடங்கள் முன்னேறி 55 ஆவது இடத்திற்கு வந்துள்ளார்.
