பிக் பேஷ்: அடிலெய்ட் அணி 2 ஓட்டங்களால் திரில் வெற்றி!
பிக் பேஷ் ரி-20 தொடரின் 13ஆவது லீக் போட்டியில், அடிலெய்ட் ஸ்ட்ரைக்கஸ் அணி 2 ஓட்டங்களால் திரில் வெற்றிபெற்றுள்ளது.
பிரிஸ்பேன் மைதானத்தில் நேற்று (புதன்கிழமை) நடைபெற்ற இப்போட்டியில், அடிலெய்ட் ஸ்ட்ரைக்கஸ் அணியும் பிரிஸ்பேன் ஹீட் அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற பிரிஸ்பேன் ஹீட் அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய அடிலெய்ட் ஸ்ட்ரைக்கஸ் அணி, நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகள் இழப்புக்கு 150 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, ரென்சோவ் 32 ஓட்டங்களையும் வெல்ஸ் 31 ஓட்டங்களையும் பெற்றுக்கொண்டனர்.
பிரிஸ்பேன் ஹீட் அணியின் பந்துவீச்சில், சேவியர் பார்ட்லெட் 3 விக்கெட்டுகளையும் ஸ்டெக்கீ 2 விக்கெட்டுகளையும் வில்டர்முத் 1 விக்கெட்டினையும் வீழ்த்தினர்.
இதனைத்தொடர்ந்து 151 என்ற வெற்றி இலக்கை நோக்கி பதிலுக்கு களமிறங்கிய பிரிஸ்பேன் ஹீட் அணியால், 20 ஓவர்கள் நிறைவில் 9 விக்கெட்டுகள் இழப்புக்கு 148 ஓட்டங்களை மட்டுமே பெற முடிந்தது. இதனால் அடிலெய்ட் ஸ்ட்ரைக்கஸ் அணி 2 ஓட்டங்களால் திரில் வெற்றியை பதிவுசெய்தது.
இதன்போது அணியின் அதிகப்பட்ச ஓட்டங்களாக, ஜிம்மி பியர்சன் ஆட்டமிழக்காது 69 ஓட்டங்களையும் டொம் கூப்பர் 22 ஓட்டங்களையும் பெற்றுக்கொண்டனர்.
அடிலெய்ட் ஸ்ட்ரைக்கஸ் அணியின் பந்துவீச்சில், டேனி பிரிக்ஸ் 3 விக்கெட்டுகளையும் பீட்டர் சிடில் மற்றும் ராஷித் கான் ஆகியோர் தலா 2 விக்கெட்டுகளையும் டேனியல் வோரால் மற்றும் வெஸ் அகர் ஆகியோர் தலா 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக, ஆட்டமிழக்காது 69 ஓட்டங்களை பெற்றுக்கொண்ட பிரிஸ்பேன் ஹீட் அணியின் ஜிம்மி பியர்சன் தெரிவு செய்யப்பட்டார்.
