ஆலையடிவேம்பு பிரதேச செயலாளர் பிரிவில் கொரோனா அச்சம் காரணமாக பாதிக்கப்பட்ட அறநெறிக்கல்வி ஆசிரியர்களின் நலன் கருதி உலர் உணவு பொதி வழங்கிவைப்பு….

  அம்பாரை மாவட்டம் ஆலையடிவேம்பு பிரதேச செயலாளர் பிரிவில் கொரோனா அச்சம் காரணமாக பாதிக்கப்பட்ட அறநெறிக்கல்வி ஆசிரியர்களின் நலன் கருதி நலன்சார் உதவித்திட்டங்களை கல்முனை சிவநெறி அறப்பணி மன்றம் முன்னெடுத்து வருகின்றது.

இதற்கமைவாக ஆலையடிவேம்பு பிரதேச செயலாளர் பிரிவில் கல்வி கற்பிக்கும் சில அறநெறி ஆசிரியர்களுக்கான உலர் உணவு பொதியினை கொழும்பு மனிதநேயம் அமைப்பின் நிதியுதவியுடன் கல்முனை சிவநெறி அறப்பணி நேற்றிரவு வழங்கி வைத்தது.

அறநெறி ஆசிரியர்கள் பல்வேறு பொருளாதார ரீதியான சிக்கல்களை எதிர்கொண்டுவரும் இச்சந்தர்ப்பத்தில் குறித்த நிவாரணம் வழங்கும் வேலைத்திட்டம் அறநெறி ஆசிரியர்களிடையே வரவேற்பை பெற்றுள்ளது.

நிகழ்வில் கல்முனை சிவநெறி அறப்பணி மன்றத்தின் தலைவர் வை.கஜேந்திரா, செயலாளர் லோ.சரவணபவன், அம்பாரை மாவட்ட கலாசார உத்தியோகத்தர் க.ஜெயராஜ்  ஆலையடிவேம்பு பிரதேச கலாசார உத்தியோகத்தர் நிசாந்தினி தேவராஜ் உள்ளிட்ட மன்றத்தின் உறுப்பினர்கள் கலந்து கொண்டு நிவாரணப்பொருட்களை வழங்கி வைத்தனர்.

இதேநேரம் அம்பாரை மாவட்டத்தில் மிகவும் பின்தங்கப்பட்ட பொத்துவில் பிரதேச செயலகத்திற்குட்பட்ட ரொட்டை, செங்காமம் கிராமங்களில் 76 குடும்பங்களுக்கும் நேற்றைய தினம் கல்முனை சிவநெறி அறப்பணி மன்றம் நிவாரணப்பொருட்களை வழங்கி வைத்தமை குறிப்பிடத்தக்கது.