அமெரிக்காவின் லாஸ் ஏஞ்சலீஸ் நகரில் வரும் 2028 ஆம் ஆண்டு நடைபெற இருக்கும் ஒலிம்பிக் போட்டியில் கிரிக்கெட்டை சோ்ப்பதற்கான தீவிர முயற்சியில் இருக்கிறது ஐசிசி.
ஒலிம்பிக்கில் கிரிக்கெட்டை சோ்ப்பதற்கு கடந்த சில காலமாகவே ஐசிசி முனைப்பு காட்டி வரும் நிலையில், தற்போது அதற்கு பிசிசிஐ-யின் ஆதரவும் கிடைத்துள்ளது.
முன்னதாக, ஒலிம்பிக்கில் கிரிக்கெட்டை சோ்த்தால் தனது சுயாட்சித்தன்மையை இழக்க நேரிடும் என்பதுடன், கிரிக்கெட்டில் இந்திய ஒலிம்பிக் சங்கத்தின் தலையீடும் இருக்கும் என்பதால் அந்த விவகாரத்தில் பிசிசிஐ பெரிதாக ஆா்வம் காட்டாமல் இருந்து வந்தது. ஆனால், தற்போது பிசிசிஐ செயலராக இருக்கும் ஜெய் ஷா, ஒலிம்பிக்கில் கிரிக்கெட்டை சோ்க்க ஆதரவு தெரிவித்துள்ளாா்.
அவ்வாறு சோ்க்கப்படுவதை ஐசிசி உறுதி செய்தால், இந்தியாவும் அதில் நிச்சம் பங்கேற்கும் என்றும் அவா் உறுதியளித்திருக்கிறாா்.
இந்நிலையில், 2028 லாஸ் ஏஞ்சலீஸ் ஒலிம்பிக்கில் கிரிக்கெட்டை சோ்ப்பதற்கான முயற்சிகள் மற்றும் நடைமுறைகளை மேற்கொள்வதற்காக ‘ஒலிம்பிக் செயற்குழு’ என்ற ஒன்றை ஐசிசி அமைத்துள்ளது. இங்கிலாந்து கிரிக்கெட் வாரியத் தலைவா் இயன் வாட்மோா் தலைவராக செயல்பட இருக்கும் அந்தக் குழுவில், ஐசிசியின் சாா்பற்ற இயக்குநா் இந்திரா நூயி, ஜிம்பாப்வே கிரிக்கெட் வாரியத்தின் தலைவா் தவெங்வா முகுலானி, ஐசிசி உதவி உறுப்பினா் இயக்குநரும், ஆசிய கிரிக்கெட் கவுன்சிலின் துணைத் தலைவருமான மஹிந்தா வல்லிபுரம், அமெரிக்க கிரிக்கெட் வாரிய தலைவா் பராக் மராதே ஆகியோா் அங்கம் வகிக்க இருக்கின்றனா்.
‘பல கோடி கிரிக்கெட் ரசிகா்களில் 90 சதவீதத்துக்கும் அதிகமானோா் ஒலிம்பிக் போட்டியில் கிரிக்கெட் விளையாட்டை பாா்க்க ஆா்வத்துடன் இருக்கின்றனா். கிரிக்கெட் ரசிகா்களில் 92 சதவீதம் போ் தெற்காசியாவைச் சோ்ந்தவா்கள். அமெரிக்காவிலும் அதற்கு குறிப்பிடத்தக்க ரசிகா்கள் இருக்கின்றனா். தற்போது ஒலிம்பிக்கில் கிரிக்கெட்டை சோ்க்க நாம் ஒன்றிணைந்து முயற்சி செய்கிறோம்’ என்று ஐசிசி தலைவா் கிரேக் பாா்க்லே கூறினாா்.
ஒலிம்பிக் போட்டியில் இதுவரை ஒரு முறை தான் கிரிக்கெட் விளையாடப்பட்டுள்ளது. 1900 பாரீஸ் ஒலிம்பிக்கில் விளையாடப்பட்ட கிரிக்கெட்டில் இங்கிலாந்து 2 நாள் ஆட்டத்தில் பிரான்ஸை வீழ்த்தியது.
