
ரியாத்தில் உள்ள அல் அவ்வல் பூங்காவில் ஞாயிற்றுக்கிழமை (23) நடந்த சவுதி புரோ லீக்கில் அல் நாசர் 4-1 என்ற கோல் கணக்கில் அல் கலீஜை வீழ்த்தியது.
இந்தப் போட்டியில் சூப்பர் ஸ்ட்ரைக்கர் கிறிஸ்டியானோ ரொனால்டோ (Cristiano Ronaldo) மற்றொரு அற்புதமான ஆட்டத்தை வெளிப்படுத்தியுள்ளார்.
அதன்படி, 40 வயதான அவர் சவுதி அரேபியாவில் தனது கழக அணிக்காக ஒரு bicycle kick கோலை அடித்தார்.
மேலதிக நேரத்தின் ஆறாவது நிமிடத்தில் ரொனால்டோவிடமிருந்து இந்தக் கோல் வந்தது.
அற்புதமான இந்த கோல் மூலம் அல்-நாசர் சவுதி புரோ லீக்கில் அல் கலீஜை 4-1 என்ற கோல் கணக்கில் வென்றது.
இது ரொனால்டோவின் 954 ஆவது கோல் ஆகும், மேலும் 2018 ஆம் ஆண்டு ஜுவென்டஸுக்கு எதிரான சாம்பியன்ஸ் லீக் காலிறுதியில் ரியல் மாட்ரிட் அணிக்காக அவர் அடித்த bicycle kick கோலையும் இது நினைவூட்டுகிறது.
இந்த வெற்றி லீக்கில், அல்-நாசரை நான்கு புள்ளிகள் முன்னிலைப்படுத்தி புள்ளிப்பட்டியலில் முதலிடத்தில் கொண்டு வந்தது.
எனினும், ஐந்து முறை பாலன் டி’ஓர் வென்ற ரொனால்டோ, 2023 இல் சவுதி அரேபியாவுக்கு குடிபெயர்ந்ததிலிருந்து ஒரு கிண்ணத்தைக் கூட வெல்லவில்லை என்பதும் வருந்தத்தக்கது.



