ரஷ்யாவில் கொவிட்-19 தொற்றினால் இதுவரை 30 இலட்சத்துக்கும் மேற்பட்டோர் பாதிப்பு!

ரஷ்யாவில் கொரோனா வைரஸ் (கொவிட்-19) பெருந்தொற்றினால், மொத்தமாக இதுவரை 30 இலட்சத்துக்கும் மேற்பட்டோர் பாதிக்கப்பட்டுள்ளனர்.

அண்மைய உத்தியோகபூர்வ புள்ளிவிபரங்களின் படி, ரஷ்யாவில் இதுவரை 30இலட்சத்து 21ஆயிரத்து 964பேர் வைரஸ் தொற்றினால் பாதிக்கப்பட்டுள்ளனர்.

கொவிட்-19 தொற்றினால் அதிக பாதிப்பை எதிர்கொண்ட நான்காவது நாடாக விளங்கும் ரஷ்யாவில், இதுவரை மொத்தமாக 54ஆயிரத்து 226பேர் உயிரிழந்துள்ளனர்.

கடந்த 24 மணித்தியாலத்தில் மட்டும் ரஷ்யாவில் 29ஆயிரத்து 258பேர் வைரஸ் தொற்றினால் பாதிப்படைந்ததோடு, 567பேர் உயிரிழந்துள்ளதாக, ரஷ்யாவின் கொரோனா வைரஸ் நெருக்கடியை கண்காணிக்கும் மையம் தெரிவித்துள்ளது.

மேலும், கொரோனா வைரஸ் தொற்றுக்கு இலக்கான ஐந்து இலட்சத்து 41ஆயிரத்து 299பேர் மருத்துவமனைகளில் சிகிச்சை பெற்று வருகின்றனர்.

இதுதவிர ரஷ்யாவில் வைரஸ் தொற்றினால் பாதிக்கப்பட்டவர்களில் 24இலட்சத்து 26ஆயிரத்து 439பேர் பூரண குணமடைந்து வீடு திரும்பியுள்ளனர்.