அக்கரைப்பற்று, சுவாமி விபுலானந்தா சிறுவர் இல்லத்தில் கிழக்கு மாகாண சமூக சேவைகள் திணைக்களத்தின் தித்திக்கும் இனிய தீபாவளி திருநாள் விழா….

கிழக்கு மாகாண சமூக சேவைகள் திணைக்களம் வருடாவருடம் தீபாவளி திருநாள் கொண்டாட்ட நிகழ்வை சிறுவர் இல்லங்களில் நடத்தி வருகின்ற நிலையில் இவ் ஆண்டுக்கான தீபாவளி திருநாள் விழா அக்கரைப்பற்று, சுவாமி விபுலானந்தா சிறுவர் இல்லத்தில் நேற்றய தினம் (14) காலை இடம்பெற்றது.

கிழக்கு மாகாண சமூக சேவைகள் திணைக்கள பணிப்பாளர் கே.இளங்குமுதன் தலைமையிலும் அம்பாறை மாவட்ட சமூக சேவை சிரேஷ்ட உத்தியோகத்தர் சிவகுமார் ஏற்பாட்டிலும் ஆலையடிவேம்பு பிரதேச செயலக சமூக சேவை உத்தியோகத்தர் ஜெயராணி ஒருங்கணைப்பிலும் கோலாகலமாக இடம்பெற்ற நிகழ்வில்,

ஆலையடிவேம்பு பிரதேச செயலாளர் ஆர்.திரவியராஜ் சுவாமி விபுலானந்தா சிறுவர் இல்லத்தின் தலைவர் த.கயிலாயபிள்ளை மற்றும் இந்து இளைஞர் மன்ற நிர்வாக சபையினர் என பலரும் கலந்து கொண்டிருந்தனர்.

குறித்த தீபாவளி திருநாள் விழா கொண்டாட்டத்தில் சிறுவர்களின் பாடல்கள் நடனங்கள் பேச்சுக்கள் என பல கலை நிகழ்வுகள் அதிதிகள் உரைகள் சிறுவர்களுக்கான பரிசு வழங்குதல் நிகழ்வுகள் என்பனவும் இடம்பெற்றது.