ராவல்பிண்டி கிரிக்கெட் மைதானத்தில் ஞாயிற்றுக்கிழமை (16) நடைபெற்ற மூன்றாவதும் இறுதியுமான ஒருநாள் போட்டியில், பாகிஸ்தான் அணி 6 விக்கெட் வித்தியாசத்தில் இலங்கையை தோற்கடித்தது.
இதனால் மூன்று போட்டிகளை கொண்ட ஒருநாள் தொடரை பாகிஸ்தான் 3-0 என்ற கணக்கில் முழுமையாகக் கைப்பற்றியது.
மூன்றாவது போட்டியில் முதலில் துடுப்பெடுத்தாடிய இலங்கை அணி, மொஹமட் வாசிம் (3/47) சிறப்பான பந்து வீச்சினால் 45.2 ஓவர்களில் 211 ஓட்டங்களுக்கு சகல விக்கெட்டுகளையும் இழந்தது.
இலங்கை அணி சார்பில் சமரவிக்கரம 65 பந்துகளில் 48 ஓட்டங்களை அதிகபடியாக எடுத்தார்.
பந்து வீச்சில் பாகிஸ்தான் சார்பில் மொஹமட் வாசிம் 3 விக்கெட்டுகளையும், ஹரிஸ் ரவூப்
மற்றும் பைசல் அக்ரம் ஆகியோர் தலா 2 விக்கெட்டுகளை கைப்பற்றினர்.
பதிலுக்கு துடுப்பெடுத்தாடிய பாகிஸ்தான் அணி, ஃபகர் ஜமான் (45 பந்துகளில் 55 ஓட்டம்) மற்றும் மொஹமட் ரிஸ்வான் (92 பந்துகளில் 61*) ஆகியோரின் அரை சதங்களால், 44.4 ஓவர்களில் இலக்கை எளிதாக எட்டியது.
இது தவிர ஹுசைன் தலத் 42 ஓட்டங்களை ஆட்டமிழக்காமல் எடுத்து போட்டிக்கு மதிப்புமிக்க பங்களிப்பை வழங்கினார்.
இலங்கை அணிக்காக, ஜெஃப்ரி வான்டர்சே நடுத்தர ஓவர்களில் சிறப்பாக பந்துப் பரிமாற்றம் மேற்கொண்டு (3/42) பாகிஸ்தான் அணிக்கு பின்னடைவை ஏற்படுத்தினார்.
இருப்பினும், ரிஸ்வான் மற்றும் தலத் இடையே 122 பந்துகளில் ஆட்டமிழக்காமல் 100 ஓட்டங்கள் எடுத்ததன் மூலம் பாகிஸ்தான் அணி வெற்றி இலக்கை எட்டியது.
மூன்று விக்கெட்டுகள் வீழ்த்திய மொஹமட் வாசிம் ஆட்ட நாயகனாகவும், மூன்று இன்னிங்ஸ்களில் 18.33 சராசரியுடன் ஒன்பது விக்கெட்டுகள் வீழ்த்திய ஹாரிஸ் ரவூஃப் ‘தொடரின் நாயகன்’ விருதையும் வென்றனர்.
