பிக் பேஷ்: சிட்னி சிக்ஸர்ஸ் அணி சிறப்பான வெற்றி!

பிக் பேஷ் ரி-20 தொடரின், 11ஆவது லீக் போட்டியில், சிட்னி சிக்ஸர்ஸ் அணி, 38 ஓட்டங்களால் வெற்றிபெற்றுள்ளது.

ஹோபர்ட் மைதானத்தில் நேற்று (ஞாயிற்றுக்கிழமை) நடைபெற்ற இப்போட்டியில், சிட்னி சிக்ஸர்ஸ் அணியும் அடிலெய்ட் ஸ்ட்ரைக்கஸ் அணியும் மோதின.

எதிர்பார்ப்பு மிக்க இப்போட்டியில், நாணய சுழற்சியில் வெற்றிபெற்ற அடிலெய்ட் ஸ்ட்ரைக்கஸ் அணி, முதலில் துடுப்பெடுத்தாட தீர்மானித்தது.

இதன்படி முதலில் துடுப்பெடுத்தாடிய சிட்னி சிக்ஸர்ஸ் அணி, நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகள் இழப்புக்கு 177 ஓட்டங்களை பெற்றுக்கொண்டது.

சிட்னி சிக்ஸர்ஸ் அணியின் அதிகப்பட்ச ஓட்டங்களாக, கிறிஸ்டியன் 50 ஓட்டங்களையும் டேனியல் ஹியுஜ்ஸ் ஆட்டமிழக்காது 46 ஓட்டங்களையும் பெற்றுக்கொண்டனர்.

அடிலெய்ட் ஸ்ட்ரைக்கஸ் அணியின் பந்துவீச்சில், வோரால் மற்றும் வெஸ் அகர் ஆகியோர் தலா 2 விக்கெட்டுகளையும் ரஷித் கான் 1 விக்கெட்டினையும் வீழ்த்தினர்.

இதனைத்தொடர்ந்து 178 என்ற வெற்றி இலக்கை நோக்கி பதிலுக்கு களமிறங்கிய அடிலெய்ட் ஸ்ட்ரைக்கஸ் அணியால், 20 ஓவர்கள் நிறைவில் 7 விக்கெட்டுகள் இழப்புக்கு 139 ஓட்டங்களை மட்டுமே பெற முடிந்தது. இதனால் சிட்னி சிக்ஸர்ஸ் அணி, 38 ஓட்டங்களால் வெற்றிபெற்றது.

இதன்போது அணியின் அதிகப்பட்ச ஓட்டங்களாக, ஜொனாதல் வெல்ஸ் ஆட்டமிழக்காது 36 ஓட்டங்களையும் பிலிப் சோல்ட் 28 ஓட்டங்களையும் பெற்றுக்கொண்டனர்.

சிட்னி சிக்ஸர்ஸ் அணியின் பந்துவீச்சில், பென் மெனின்டி, கார்லோஸ் பிரத்வெயிட் மற்றும் ஸ்டீவ் ஓகீப் ஆகியோர் தலா 2 விக்கெட்டுகளையும் டேனில் கிறிஸ்டியன் 1 விக்கெட்டினையும் வீழ்த்தினர்.

இப்போட்டியின் ஆட்டநாயகனாக 50 ஓட்டங்களையும் 1 விக்கெட்டினையும் வீழ்த்தி டேனில் கிறிஸ்டியன் தெரிவுசெய்யப்பட்டார்.