அக்கரைப்பற்று கமு/திகோ/ ஸ்ரீ இராம கிருஷ்ணா கல்லூரி தேசிய பாடசாலைக்கு கடந்த மூன்று வருடங்களின் பின் நிரந்தர அதிபராக திரு. J.R.டேவிட் அமிர்தலிங்கம்…
அக்கரைப்பற்று கமு/திகோ/ ஸ்ரீ இராம கிருஷ்ணா கல்லூரி தேசிய பாடசாலைக்கு கடந்த மூன்று வருடங்களின் பின் நிரந்தர அதிபராக திரு. J.R.டேவிட் அமிர்தலிங்கம் அவர்கள் 03/06/2021 முதல் செயற்படும் வண்ணம் அரசாங்க சேவை ஆணைக்குழுவின் கல்வி சேவை ஆணைக்குழுவின் செயலாளரின் அனுமதியின் பிரகாரம் கல்வி அமைச்சின் செயலாளரால் நேரடியாக அழைத்து அதிபராக நியமனம் செய்யப்பட்டுள்ளார்.
திரு. J.R.டேவிட் அமிர்தலிங்கம் அதிபர் அவர்கள் இலங்கை அதிபர் சேவை வகுப்பு-1 (SLPS-1) ஐ சேர்ந்த இவர் இதே பாடசாலையில் 1992இல் ஆசிரியராக நியமனம் பெற்று 2012 இல் போட்டி பரீட்சை மூலம் இலங்கை அதிபர் சேவை-2 (SLPS-2) இற்கு தெரிவு செய்யப்பட்டு இதே பாடசாலையில் பிரதி அதிபராகநியமிக்கப்பட்டு பின் 2013 இல் இராம கிருஷ்ண மிஷன் மகா வித்தியாலயத்தின் நிரந்தர அதிபராக நியமிக்கப்பட்டார். 2018 இல் இலங்கை அதிபர் சேவை வகுப்பு-1 இற்கு பதவி உயர்வு பெற்றவர் என்பதும் குறிப்பிடத்தக்கது.
கடந்த ஜனவரி நடந்த நேர்முகப்பரீட்சை பெறுபேறின் அடிப்படையில் நியமிக்கப்பட்டுள்ள திரு. J.R.டேவிட் அமிர்தலிங்கம் அதிபர் அவர்கள் பேராதனை பல்கலைக்கழகதின் கலைப்பட்டதாரியாகவும் (B.A) அரசறிவியலில் முதுகலைமாணி (M.A) பட்டத்தையும் யாழ்ப்பாணபல்கலைக்கழகத்தில் கல்வி முதுமாணி (M.Ed) பட்டத்தையும் தேசிய கல்வி நிறுவகத்தில் பட்டபின் கல்வி டிப்ளோமாவில் அதி சிறப்பு சித்தியும் பட்ட பின் கல்வி முகாமைத்துவத்தில் சிறப்பு சித்தியையும் பெற்ற இவர் இராம கிருஷ்ண மிஷன் மகா வித்தியாலயத்தின் பழைய மாணவரும் ஆவார்.
